cerpen

<“ Sing Ada Apa De ” Minab suba kanti sakit bangkiange jungklang – jungkling uli jam telu kanti jam pat, tuah jak lalima gen, dikengkene jeg ada keneh makita matbat ” care jak lalima gen idup, ne len pasti pada teler” buin duang dina tiang jagi lomba, yan kenjel lakar tawah – tawah pesu kenehe, “apa buin uduk pipis pasti lakar dadi plekare” yen suba keto makejang saling dengkikin, saling kenyatin ngaku paling beneh, paling kene, paling keto “ adoh….luungan negil gen be” Kring…kring…kring…” ne boye munyi Hp, ne kering tuah dompet lan kantong tiange, buin mani lombane mulai, adi sing ada ane rungu, jeg tileh gen jak lalima jungklang – jungkling, di kengkene makita masi nginum minuman bervitamin, pang segeran bayune, kewale kantonge nu paceklik” nah… tiang sing je nyangetang gati, ada paica ka tunas sing ada ing kengken, nak mekejang pada keto, pada kenjel masi, nanging pang tawange masi kengken unduke pang tusing asal bangras to ngranaang oranga basang tuah asenti”. Beh nyanan jam telu lakar lomba,jani nu inguh gati kenehe, basange jeg pragat gedeg gen, mirib anu ane ngranayang”. Peserta nomor sekian…..”keto tiang kaukine jak gerupe, adoh…jeg runtag bayune, cutetne tiang harus menang lantas acep titiang para batarane ne ada di marajan tiange, mula sangkaning paswecan ida, pamuputne ting polih masi juara. Kring…kring…kring…” buin makeengan kantong tiange, minab upah menang lakar madu di tongos lenan, “tusing ngelah pipis kewala pang milu kengken carane keto keneh tiange” jam dua pang be ada ditu kadong nu selidan paling luwung masare malu, Kring…kring…kring…” buin makeengan “ adoh…ne mare HP jail mare maan aseriepan suba dunduna, minab ne sms jeg ngae bayun tiange inguh, krana munyine kakene” encolin nak jam solas lombane” ne suba jam dasa kudiang carane pang nganteg ditu ‘ yen menek kapal sewane bes maal, buina yen ngalih tiket bes joh ke Denpasar, yen keto enggalan teke dagang bedege” lantas tiang bangun tur ngojong timpal tiange sane ngantoang di mobile,” encolin….jani brangkat” minab keto raos timpale ane nyupir, lantas tiang ngencolang macelep ka mobile. Mula saja ane madan pituduh widhi, sing ada ane ngelah pajalan luwung gati, suba nganteg di jalan jeg apa kaden ngrnaang mobile jeg mati, yen lengis nak mare busan meli, paling melah sorog pang enggal idup, lantas tiang nyorog sareng timpale. Suba kanti sakit bangkiange, tur suba kanti telah pesu peluhe, tonden masi idup mobile, kengkenang jani mausaha, buin ting ngacep - acep para batarane, mirib suba kanti kenjel tiang nguncarang mantra gayatri, dumogi ida manyuecain titing sareng sami tuah kenten ne ada di keneh tiange, disubane kenjel, ditu tiang bengong tur suba kasedukan wireh tongose sepi gati. Aduh…dewa ratu…. aget ada anak ane ngaku uli Buleleng , to ane ngerek mobil tiange, diapin suba kanti duang jam ngantosang anak ane prasida nulungin, tiang marasa pajalane suecanine, gelis carita tiang nganteg di tongose lomba, nu lempuyeng sirah tiange, saget suba oraina mulai lomba, yadiastun sirahe nu lempuyeng ulian poyok sosor angin di mobile, tur nu mekita ngutah, tiang rumasa madue tanggung jawab, tiang sareng sawitran tiange kari mausaha sapunapi mangda prasida pollih juara mangda juari, minab para batara mireng raos titinge, mangkin tiang rumasa bagia sampun polih juara ring irika. Nanging di mangkine jeg malih makite ngerengkeng, tileh sing ada rungu, jeg tilehgen care biasane, beh…sing ada apa de….” Minab kenten dingeh raose, ngencolang tiang bangun uling gumi pangipian tinge, “Buin kejep nak ada ujian melahahan melajah kenten malih pikeneh tiange tur tiang prajani ngemak anduk jagi masiram tur usan kenten jagi malajah. Pikardin : Kadek Adi Asnawa